atiahi İsmayıllı rayon komitəsi
“Təhsil millətin gələcəyidir!”
— Heydər Əliyev
Azərbaycan Təhsil İşçiləri
Azad Həmkarlar ittifaqı
İsmayıllıdaBeynəlxalq Abidələr və Tarixi Yerlər Günü münasibətilə tədbir keçirilib
- Əsas Səhifə
- Xəbərlər
- İsmayıllıdaBeynəlxalq Abidələr və Tarixi Yerlər Günü münasibətilə tədbir keçirilib
Aprelin 18-i dünyada Beynəlxalq Abidələr və Tarixi Yerlər Günü kimi qeyd olunur. Bu əlamətdar gün Tarixi Yerlər və Abidələrin Mühafizəsi Şurasının (ICOMOS) təklifi ilə UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir.
Bu əlamətdar gün Azərbaycanda da geniş qeyd olunur. Hər il bu tarixdə qoruqlarda, tarixi məkanlarda abidələrin və tarixi yerlərin qorunmasının təbliği məqsədilə müxtəlif tədbirlər, sərgilər təşkil edilir.
Bu münasibətlə aprelin 18-də İsmayıllı rayonunda tədbir keçirilib.
ATİAHİ İsmayıllı rayon komitəsi və Rayon Mədəniyyət Mərkəzi ilə birgə təşkil olunmuş tədbirdə Azərbaycanın tarixi abidələrindən, onların memarlarından, hansı məqsədlərlə tikildiyindən bəhs olunub. Qeyd olunub ki, Azərbaycan rəhbərliyinin böyük diqqət və qayğısı sayəsində ölkəmizdə tarixi abidələrin tədqiqi, mühafizəsi və bərpası, mədəniyyət nümunələrinin beynəlxalq aləmdə təbliği istiqamətində böyük işlər görülür. Bütün bunlar isə Azərbaycanın qlobal dünyaya öz maddi və mənəvi mədəniyyəti ilə birgə inteqrasiyasını təmin edir.
Vurğulanıb ki, tarixi abidələrimizin qorunması və gələcək nəsillərə çatdırılması sahəsində dövlətimizin başçısı cənab İlham Əliyevin, Azərbaycanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın ölkə daxilində və xaricində həyata keçirdikləri böyük işlər hər kəs üçün ən gözəl örnəkdir.
Tədbirdə ilk təşkilatların abidələrlə bağlı əl işlərindən ibarət sərgi nümayiş olunub.
Bizimlə əlaqə
